«Չափերդ չանցնես, նայի չխեղաթյուրեմ քեզ». թեժ օնլայն վիճաբանություն՝ Երևանի ավագանու անդամների միջև

Այսօր Երևանի ավագանու «Իմ քայլը» խմբակցության անդամ Նուարդ Վարդանյանը ֆեյսբուքյան իր էջում լուսանկար էր հրապարակել ու կից գրել էր. «Որոշ լրատվականներ և ընդդիմադիր գործիչներ արդեն երկու օր է խոսում են կենդանաբանական այգում տեղի ունեցած ցավալի միջադեպի մասին, սակայն որպես հանցավոր կողմ թիրախավորում են «հրեշ» թափառող շներին, որոնք, իբրև թե, գզել են կենգուրուներին… Ես հասկանում եմ, որ թիրախավորելով այս չքնաղ ձագուկներին, որոնց նկարը ստորև տեղադրել եմ, դուք թիրախավորում եք թափառող կենդանիների ՀՈԱԿ-ը, հետևաբար քաղաքապետարանը, բայց սա բացի ծիծաղից ոչինչ չի առաջացնում: Սիրելի «Լույս» խմբակցություն, ես չափազանց կարևորում եմ ընդդիմության աշխատանքը և ձեզանից ակնկալում ավելի լուրջ աշխատանք:

Նրա գրառմանն արձագանքել են Երևանի ավագանու «Լույս» խմբակցության անդամներ Անի Խաչատրյանը և Թեհմինա Վարդանյանը։

Խաչատրյանը մեկնաբանության հատվածում գրել է. «Ես չեմ ծիծաղում ես լացում եմ ձեր վրա», ինչին Վարդանյանն արձագանքել է. «Միգուցե ցանկանում էիր ասել, որ հուզվա՞ծ ես, որովհետև չեն լացում մարդու վրա, այլ լացում են մարդու համար։ Մենք էլ չենք մահացել Անի ջան, էդքան մի հուզվի»:

Անի Խաչատրյանն, ի պատասխան Վարդանյանի մեկնաբանության, գրել է. «Հա շատ հուզված եմ, տեսնելով քաղաքային իշխանության որակը՝ հուզվելը մեղմ է ասված»:

Իսկ Թեհմինա Վարդանյանը գրել է. «Հարգելի քայլական, այս շների նկարը տեղադրել է ՀՈԱԿ-ը, մի շատ ծիծաղելի տեքստով։ Ամենևին մենք չի, որ այս շներին մեղադրում ենք հրեշաբար համաձայնության մեջ։ ՀՈԱԿ-ի փոխանցմամբ՝ նրանք ՄԱՍՆԱԿԻՑ ԵՆ ԵՂԵԼ տեղի ունեցածին»։

Նուարդ Վարդանյանն արձագանքել է վերջինին. «Դա ՀՈԱԿ-ի տեսությունը չի, դա բողոքն է եղել կենդանաբանական այգու կողմից: Փաստերի խեղաթյուրումը ձեր սիրելի զբաղմունքն է»։

Ինչին ի պատասխան Խաչատրյանը հորդորել է Նուարդ Վարդանյանին չափերը չանցնել, այլապես կհիշեցնի նրանց սիրելի զբաղմունքի մասին. «Նուարդ Վարդանյան ջան, արի մի ստիպի սիրելի զբաղմունքներից խոսել, այլապես… Հա ու չափերդ չանցնես, նայի չխեղաթյուրեմ քեզ»։

(Visited 65 times, 1 visits today)

Понравилась статья? Поделиться с друзьями: