Մինչեւ 18 տարեկան բոլոր երեխաների բուժումը կլինի անվճար, իսկ նվազագույն աշխատավարձը 55 հազարից կդառնա 68 հազար

Մինչեւ 18 տարեկան բոլոր երեխաների բուժումը կլինի անվճար, իսկ նվազագույն աշխատավարձը 55 հազարից կդառնա 68 հազար

Այսօր կառավարությունը հաստատեց «Նվազագույն ամսական աշխատավարձի մասին» Հայաստանի Հանրապետության օրենքում փոփոխություններ կատարելու մասին» Հայաստանի Հանրապետության օրենքի նախագծի վերաբերյալ Հայաստանի Հանրապետության կառավարության առաջարկության նախագիծը:

Զեկուցող Գեմաֆին Գասպարյանը ներկայացրեց  ԱԺ պատգամավորներ Վարազդատ Կարապետյանի և Բաբկեն Թունյանի ներկայացրած նախագիծը, որով առաջարկվում է նվազագույն աշխատավարձի չափը սահմանել 55 հազար դրամի փոխարեն 63 հազար, այնինչ կառավարությունն առաջարկում է, որ այն սահմանվի 68 հազար դրամ:

Նա ներկայացրեց հաշվարկի հիմքերը, որտեղ կարևորվել է նվազագույն սպառողական զամբյուղը:

«Ուղիղ փոխելու ենք 45 հազար մասնավոր և 35 հազար պետական ոլորտում աշխատողների   աշխատավարձի չափը, որոնք ստանում են նվազագույն աշխատավարձ»,-ասաց նա և նշեց, որ նրանց աշխատավարձը շուրջ 23-24 տոկոսով ավելանում է:

Վարչապետը կարևորեց նաև աշխատողների իրավունքների պաշտպանությունը, քանի որ կառավարության անդամների կողմից մտահոգություններ եղան, որ հնարավոր է՝ գործատուն մանևրելու հնարավորություններ ունենա ժամերի քանակով, ինչը ևս պետք է կանոնակարգել օրենքով, որպեսզի նման հնարավորություն չլինի:  Հարցը կներկայացվի Ազգային ժողովի քննարկմանը:

«Սոցիալապես անապահով և հատուկ խմբերում ընդգրկվածների բժշկական օգնության համար հատկացնել լրացուցիչ 5․1 միլիարդ դրամ՝ սրտի վիրահատական ծառայությունների և նորագույն տեխնոլոգիաներով մատուցվող բժշկական ծառայություններից պետպատվերով օգտվող շահառուների շրջանակն ընդլայնելու և մարդու օրգանների՝ 12 երիկամի և 11 ոսկրածուծի փոխպատվաստման համար։ Այս փոփոխություններից ընդհանուր առմամբ օգտվելու է 500 հազար քաղաքացի։ Նախատեսված փոփոխություններով 0-18 տարեկանների բժշկական ծառայությունների մատուցումը կդառնա անվճար»,-Կառավարության այսօրվա նիստում հայտնեց առողջապահության փոխնախարար Անահիտ Ավանեսյանը։
Նշենք, որ մինչ այժմ միայն 0-7 տարեկանների համար էր անվճար բժշկական ծառայությունը գործում:

(Visited 3 899 times, 1 visits today)
Like this post? Please share to your friends: