Զարուհի Բաթոյանն առաջարկում է նպաստից զրկել 100 հազար և ավելի վարկի գումար վճարողներին.

ամանակ» թերթը գրում է. «Աշխատանքի և սոցիալական հարցերի նախարար Զարուհի Բաթոյանը կառավարության երեկվա նիստի ժամանակ մի շատ խնդրահարույց առաջարկ է արել:

«Առաջարկում ենք ընտանիքի անապահովության գնահատման բնութագրիչներն ավելացնել ևս մեկով՝ վարկային պարտավորությունների գծով 100 հազար և ավելի դրամ միջին ամսական մարում կատարելու հանգամանքը»,- ասել է Բաթոյանը:

Սա նշանակում է, որ եթե մարդը ամսական 100 հազար և ավելի վարկի գումար է վճարում, ապա չի կարող համարվել սոցիալապես անապահով և կզրկվի նպաստից: Եթե կառավարությունը իսկապես գնա նման լուծման, ապա սա կարող է լուրջ սոցիալական և հասարակական ճգնաժամ առաջացնել:

Գաղտնիք չէ, որ շատ դեպքերում մարդիկ վարկ են ստանում իրենց ազգականների ու հարազատների համար, և կարելի է ենթադրել, թե ինչ կլինի, եթե մարդուն զրկեն նպաստից իր ազգականի համար վարկ ստանալու համար: Իսկ այդպիսի դեպքերը հարյուրավոր չեն, հազարավոր են, տասնյակ հազարավոր»:

(Visited 382 times, 1 visits today)
Понравилась статья? Поделиться с друзьями: