Արտակարգ դեպք՝ Երևանում. մի խումբ անձինք, այդ թվում անչափահասներ, հարձակվել ու ծեծել են ավագ պարեկին

Արտակարգ դեպք՝ Երևանում. մի խումբ անձինք, այդ թվում անչափահասներ, հարձակվել ու ծեծել են ավագ պարեկին

Ապրիլի 24-ին, արտակարգ դեպք է տեղի ունեցել Երևանում. ժամը 16։20-ի սահմաններում ՀՀ ոստիկանության պարեկային ծառայության Երևանի գնդի 1-ին գումարտակի ավագ պարեկ, 34-ամյա Էմիլ Ի-ն ծառայությունն ավարտելուց հետո տուն գնալու ճանապարհին՝ Ավան վարչական շրջանի Նարեկացի թաղամասում, հանդիպել է մի խումբ անձանց, որի ժամանակ ոմն Ժորան իր հետ եղած տղաների հետ անհիմն հարձակվել է Էմիլ Ի-ի վրա, ձեռքերով և ոտքերով հարվածներ հասցրել, ինչի արդյունքում ստացել է մարմնական վնասվածքներ։
Shamshyan.com-ի հաղորդմամբ, կատարվածի մասին տեղեկություն է ստացվել ոստիկանության Նոր Նորքի բաժնում, և կարճ ժամանակում ոստիկանության Նոր Նորքի բաժնի Ավանի բաժանմունքի քրեական հետախուզության խմբի ծառայողների կողմից ձեռնարկել են անհրաժեշտ միջոցառումներ, որի արդյունքում պարզվել է ոմն Ժորայի հետ եղած մասնակիցների ինքնությունը։

Կայքի տեղեկություններով՝ նրանք են Երևանի բնակիչներ՝ 19-ամյա Գագիկ Ս-ն, 18-ամյա Մարտիկ Կ-ն, 17-ամյա Ազատ Խ-ն, 17-ամյա Արշակ Խ-ն և 21-ամյա Ժան Հ-ն։

Ոստիկանությունը ձեռնարկում է անհրաժեշտ միջոցառումներ՝ ոմն Ժորայի ամբողջական տվյալները պարզելու, նրան և նրա հետ եղած անձանց հայտնաբերելու ուղղությամբ։

Փաստի առթիվ ոստիկանության Նոր Նորքի բաժնում նյութեր են նախապատրաստվում։ Նշանակվել է դատաբժշկական փորձաքննություն։

աղբյուր

(Visited 340 times, 1 visits today)
Понравилась статья? Поделиться с друзьями: